غیر قانونی طور پر رکھے شیر اور وائٹ ٹائیگر کا بچہ بر آمد
فیصل آباد(خصوصی رپورٹر)وائلڈ لائف رینجرز پنجاب کی فیصل آباد میں بڑی کارروائی، غیر قانونی طور پر رکھے گئے شیر اور وائٹ ٹائیگر کا بچہ بر آمد کرلیا، ملزمان کے خلاف کارروائی کا آغاز کردیا گیا۔
تفصیلات کے مطابق وائلڈ لائف رینجرزنے فیصل آباد میں کارروائی کرتے ہوئے غیر قانونی طور پر رکھے گئے شیر اور وائٹ ٹائیگر کے بچے برآمد کر لئے ہیں، سفید ٹائیگر کے بچے کو لاہور سفاری زو منتقل کر دیا گیا ۔ افریقی شیر کے بچے کو بھی تحویل میں لے کر محفوظ مقام پر منتقل کردیا گیا ہے ۔ڈپٹی چیف وائلڈ لائف رینجر ڈاکٹر غلام رسول کے مطابق یہ کاررروائی وائلڈ لائف رینجرز فیصل آباد نے خفیہ اطلاع پر کی اور اس دوران غیر قانونی طور پر رکھے گئے نایاب نسل کے جنگلی جانور برآمد کئے گئے ہیں، ملوث افراد کے خلاف قانونی کارروائی کا آغاز کر دیا گیا ہے اور ان کے خلاف وائلڈ لائف ایکٹ کے تحت مقدمات بھی درج کروا دئیے گئے ہیں۔
