×

فیصل آباد

گورنمنٹ کالج ویمن یونیورسٹی میں صحت و فلاح کا مرکز قائم

بند کریں

بلوم مرکز میں ذہنی، غذائی اور بنیادی طبی سہولیات ایک چھت تلے فراہم ہونگی طلبہ اور ملازمین کی صحت اور بہتر زندگی کیلئے اقدامات کرنا بھی ضروری :وی سی

فیصل آباد (سٹی رپورٹر) گورنمنٹ کالج ویمن یونیورسٹی فیصل آباد کی وائس چانسلر پروفیسر ڈاکٹر کنول امین نے یونیورسٹی کے خصوصی منصوبے ‘‘بلوم مرکز برائے صحت و خوش حالی’’ کا افتتاح کردیا۔ اس مرکز کا مقصد طالبات، اساتذہ، ملازمین اور اردگرد کی آبادی کو ذہنی، جسمانی اور عمومی صحت سے متعلق سہولیات ایک ہی چھت تلے فراہم کرنا ہے ۔مرکز میں تین خصوصی شعبے قائم کیے گئے ہیں، جن میں ذہنی و نفسیاتی صحت، غذائی مشاورت اور بنیادی طبی سہولیات شامل ہیں۔ ان شعبوں میں ماہر نفسیات ڈاکٹر سائرہ خان، ماہر غذائیت ڈاکٹر مدیحہ الیاس اور ڈاکٹر ماہم کی نگرانی میں خدمات فراہم کی جائیں گی۔

افتتاحی تقریب سے خطاب کرتے ہوئے وائس چانسلر پروفیسر ڈاکٹر کنول امین نے کہا کہ اعلیٰ تعلیمی اداروں کی ذمہ داری صرف تعلیم کی فراہمی تک محدود نہیں بلکہ طلبہ اور ملازمین کی صحت، خوشی اور بہتر زندگی کے لیے اقدامات کرنا بھی ضروری ہے۔ انہوں نے امید ظاہر کی کہ بلوم مرکز یونیورسٹی میں صحت مند ماحول اور مجموعی فلاح و بہبود کے فروغ میں اہم کردار ادا کرے گا۔تقریب میں رجسٹرار، بلوم مرکز کی انچارج ڈاکٹر سائرہ خان اور مختلف تدریسی و انتظامی شعبہ جات کے سربراہان نے شرکت کی۔ اس موقع پر وائس چانسلر نے کیک بھی کاٹا۔یونیورسٹی انتظامیہ کے مطابق مرکز کی سہولیات صرف یونیورسٹی تک محدود نہیں رہیں گی بلکہ فیصل آباد اور گردونواح کی خواتین بھی ان سے فائدہ اٹھا سکیں گی۔ مستقبل میں اس مرکز میں صحت کی سہولیات کا دائرہ مزید وسیع کرنے کا منصوبہ بھی زیر غور ہے ۔تمام خبروں میں یکساں سرخیاں رکھیںانگریزی اصطلاحات کے اردو متبادل دیں۔

روزنامہ دنیا ایپ انسٹال کریں