ڈاکٹر محمد اقبال چودھری بائیو آرگینک کیمسٹری کے شعبے میں مصطفی پرائزکیلئے نامزد
مصطفی پرائزسائنسی فضیلت کی بین الاقوامی علامت ہے ۔ اس سال کے ایوارڈ کیلئے پاکستان کے کامسٹیک - کے کوآرڈنیٹر جنرل پروفیسر ڈاکٹر محمد اقبال چودھری کو بائیو آرگینک کیمسٹری کے شعبے میں نامزد کیا گیا ہے
اسلام آباد(نامہ نگار)مصطفی پرائز، سائنس اور ٹیکنالوجی کا ایک اعلیٰ ایوارڈ ہے ۔ یہ ایوارڈ اسلامی دنیا سے تعلق رکھنے والے اعلیٰ محققین اور سائنسدانوں کو چار شعبوں میں دیا جاتا ہے ۔ پروفیسر ڈاکٹر محمد اقبال چوہدری عالمی شہرت یافتہ دواؤں کے کیمیا دان ہیں۔ ڈاکٹر چوہدری بین الاقوامی جرائد میں نامیاتی اور بائیو آرگینک کیمسٹری کے شعبوں میں 1175 تحقیقی مقالے ، 76 کتابیں اور 40 ابواب شائع کر چکے ہیں۔