کاربن میں کمی لانے کے اقدامات جاری:کوآرڈینیٹر وزیراعظم

کاربن میں کمی لانے کے اقدامات جاری:کوآرڈینیٹر وزیراعظم

اسلام آباد(سٹاف رپورٹر)وزیر اعظم کی کوآرڈینیٹر برائے موسمیاتی تبدیلی رومینہ خورشید عالم نے کہا کاربن کے اخراج میں کمی لانے کے اقدامات کر رہے ہیں۔۔

2025میں شروع ہونے والے منصوبوں کیلئے 730ملین ڈالرز سے زائد وعدے کئے گئے ، عالمی حدت میں بتدریج اضافہ ہو رہا ہے، درجہ حرارت 1.5 تک محدود کرنے کے پیرس معاہدے پر عمل نہیں ہوسکا ،کاپ میں پاکستان کا کردار قابل اعتماد رہا ہے ، پاکستان نے فراخدلی سے ساری دنیا کو ویلکم کیا، نسٹ یونیورسٹی میں سیمینار سے خطاب کرتے ہوئے رومینہ خورشید نے کہا پاکستان کاشمارموسمیاتی تبدیلی سے سب سے زیادہ متاثرہ ملکوں میں ہوتاہے اور 2022میں آنے والے سیلاب نے تباہی مچائی،سیلاب کے دوران خواتین زیادہ متاثر ہوئیں، ناگہانی آفات میں نقصانات کم سے کم کرنے کیلئے عوام میں آگاہی ضروری ہے ، انہوں نے کہا موسمیاتی تبدیلی سے نمٹنے میں نوجوان اہم کردار ادا کر سکتے ہیں ، محفوظ آب وہوا کے اہداف کیلئے ہمیں ایک دوسرے کا ساتھ دینا ہوگا، ماحولیاتی تحفظ کے پیش نظرصنعت میں جدید ٹیکنالوجی استعمال کریں گے ۔

 

روزنامہ دنیا ایپ انسٹال کریں