پولیس کا برو قت ایکشن ، تھانے پر دہشتگرد حملے کی کوشش ناکام
لکی مروت (آئی این پی) ضلع لکی مروت میں پولیس نے بروقت کارروائی کرتے ہوئے تھانے پر دہشتگردوں کے حملے کی کوشش ناکام بنا دی۔۔۔
تھانہ گمبیلا پر 10تا 12دہشت گردوں نے حملے کی کوشش کی، پولیس نے تھانے کے قریب دہشتگردوں کی نقل و حرکت کو بھانپتے ہوئے فائرنگ شروع کی جس پر دہشتگرد فرار ہو گئے ۔دریں اثناآئی جی خیبر پختونخوا ذوالفقار حمید نے فون کر کے جوانوں کو خراج تحسین پیش کیا۔ آر پی او بنوں ریجن سجاد خان کے مطابق پولیس فورس پہلے سے الرٹ اور جدید ٹیکنالوجی سے لیس تھی۔
روزنامہ دنیا ایپ انسٹال کریں
