نیوز الرٹ
  • بریکنگ :- شوگرملزکی چینی کی قیمت مقررکرنےکےنوٹیفکیشن کیخلاف درخواست
  • بریکنگ :- لاہور:عدالت نےفریقین کےدلائل سننےکےبعدفیصلہ محفوظ کرلیا
  • بریکنگ :- ملزمالکان کیخلاف تادیبی کارروائی نہ کرنےسےمتعلق بھی فیصلہ محفوظ
  • بریکنگ :- لاہور:جسٹس شمس محمودنےدرخواستوں پرسماعت کی
Coronavirus Updates

پاک بحریہ کیلئے چوتھے ملجم کلاس کارویٹ کی تعمیر کا آغاز

پاک بحریہ کیلئے چوتھے ملجم کلاس کارویٹ کی تعمیر کا آغاز

دنیا اخبار

کراچی شپ یارڈ میں اسٹیل کاٹنے کی تقریب،امیرالبحرمہمان خصوصی تھے،اتحادی ممالک کے درمیان تعلقات کو مزید مستحکم کرنے کا تاریخی لمحہ ،امجدخان نیازی

کراچی (اسٹاف رپورٹر)پاک بحریہ کیلئے تعمیر کئے جانے والے چوتھے ملجم کلاس کارویٹ کی اسٹیل کاٹنے کی تقریب کراچی شپ یارڈ اینڈ انجینئرنگ ورکس میں منعقد ہوئی۔ سربراہ پاک بحریہ ایڈمرل محمد امجد خان نیازی نے بطور مہمان خصوصی شرکت کی۔ تقریب پاکستان نیوی کے لئے چوتھے ملجم کارویٹ کے تعمیراتی شیڈول میں ایک اہم سنگ میل کی علامت ہے ۔ پاک بحریہ نے ترک کمپنی اسفات کے ساتھ چار ملجم کلاس کارویٹ جہازوں کی تعمیر کا معاہدہ مکمل کر لیا ہے جن میں سے دو استنبول نیول شپ یارڈ میں تعمیر کی جا رہی ہیں جبکہ باقی دو کراچی شپ یارڈ اینڈ انجینئرنگ ورکس میں تعمیر کی جا رہی ہیں۔ ان کارویٹس میں جدید ترین سطح آب، زیر آب اور فضا میں مار کرنے والے ہتھیار اور سینسرلگائے جائیں گے ، جو ایک جدید نیٹ ورک سینٹر کمبیٹ مینجمنٹ سسٹم کے ذریعے مربوط ہوں گے ۔ اس موقع پر خطاب کرتے ہوئے چیف آف نیول اسٹاف نے کہا کہ کراچی شپ یارڈ اینڈ انجینئرنگ ورکس میں چوتھے ملجم کلاس کارویٹ کی اسٹیل کٹنگ میرے لئے باعث مسرت ہے ۔ انہوں نے مزید کہا کہ یہ ایک تاریخی موقع ہے کیونکہ اس کارویٹ کی تعمیر کے لئے وزارت دفاعی پیداوار، پاک بحریہ، کراچی شپ یارڈ اور ترک کمپنی اسفات باہمی تعاون کر رہے ہیں۔ امیر البحر نے اپنے خطاب میں مزیدکہا کہ آج کی تقریب مشترکہ اقدار، ثقافت اور نظریات پر مبنی دوستانہ تعلقات رکھنے والے تزویراتی طور پر اتحادی ممالک کے درمیان تعلقات کو مزید مستحکم کرنے کا ایک تاریخی لمحہ ہے۔

Advertisement
روزنامہ دنیا ایپ انسٹال کریں