نیوز الرٹ
  • بریکنگ :- ایوبیہ،نتھیاگلی،ڈونگاگلی اورباڑیاں میں برفباری
  • بریکنگ :- گلیات کی بالائی چوٹیوں پر 4 سے 6 انچ تک برفباری
  • بریکنگ :- مری،گلیات میں 3روزتک برفباری جاری رہنےکاامکان،محکمہ موسمیات
  • بریکنگ :- شہری غیرضروری سفر سےگریزکریں، محکمہ موسمیات
  • بریکنگ :- لینڈسلائیڈنگ،درخت گرنےکےخدشات بھی موجودہیں،محکمہ موسمیات
  • بریکنگ :- کراچی میں گردآلودہواؤں کاسلسلہ آج بھی جاری
  • بریکنگ :- کراچی:گردکےباعث حدنگاہ 500میٹرہے،محکمہ موسمیات
  • بریکنگ :- کراچی میں 35کلومیٹرفی گھنٹہ کی رفتارسےہوائیں چل رہی ہیں
  • بریکنگ :- کراچی:آئندہ 4 سے 5 روزتک سردی رہےگی،محکمہ موسمیات
  • بریکنگ :- گردآلودہواؤں کےباعث کراچی آلودہ ترین شہروں میں دوسرےنمبرپرآگیا
  • بریکنگ :- کراچی:ایئرکوالٹی انڈیکس میں ڈھاکاپہلےاورلاہورپانچویں نمبرپرہے
  • بریکنگ :- کوئٹہ اورگردونواح میں برفباری کاسلسلہ جاری
  • بریکنگ :- کوئٹہ سمیت مستونگ،چمن،زیارت اورتوبہ اچکزئی میں برفباری
  • بریکنگ :- کوئٹہ:برفباری آئندہ 24گھنٹےتک جاری رہنےکاامکان،محکمہ موسمیات
Coronavirus Updates

تاریخی عمارتیں محفوظ بنانے کیلئے کمیٹی فعال کرنے کا فیصلہ

تاریخی عمارتیں محفوظ بنانے کیلئے کمیٹی فعال کرنے کا فیصلہ

افسران ضلع کی بہتری کے لئے اقدامات کریں، مسائل کے حل کے لئے متعلقہ شہری ترقیاتی اور بلدیاتی ادارروں کے ساتھ رابطہ کو مضبوط بنائیں، کمشنر،اقبال میمن کا ضلع جنوبی میں این جے وی اسکول، جہانگیر پارک اور دیگر مراکز کا دورہ، ڈپٹی کمشنر کی ضلعی انتظامیہ کے اقدامات کے بارے میں بریفنگ

کراچی (اسٹاف رپورٹر) کراچی کی تاریخی عمارتوں کو محفوظ بنانے سے متعلق کمشنر کراچی کی سربراہی میں قائم ہیری ٹیج پریزرویشن کمیٹی کو فعال کیا جائے گا تاکہ تاریخی عمارتوں کو محفوظ بنانے کے حکومتی اقدامات کو موثر بنایا جا سکے ۔ اس بات کا فیصلہ کمشنر کراچی محمد اقبال میمن کی صدارت میں منعقدہ اجلاس میں کیاگیا ۔ اجلاس میں ڈپٹی کمشنر جنوبی ارشاد سوڈھر اور تمام اسسٹنٹ کمشنرز جنوبی نے شرکت کی۔ کمشنر نے افسران کو ہدایت کی کہ وہ ضلع کی بہتری کے لئے اقدامات کریں، شہریوں کے مسائل سنیں، مسائل کے حل کے لئے شہریوں کی ہر ممکنہ مددو رہنمائی کریں، ان کے مسائل کے حل کے لئے متعلقہ شہری ترقیاتی اور بلدیاتی ادارروں کے ساتھ رابطہ کو مضبوط بنائیں۔ اجلاس میں کمشنرکو عوام کے مسائل کی کوششوں کے بارے میں تفصیلات سے آگاہ کیا گیا۔ ڈپٹی کمشنر جنوبی ارشاد سوڈھر نے ضلع جنوبی میں شہریوں کے مسائل، شہر کی ترقی سے متعلق ضلعی انتظامیہ کے اقدامات اور کوششوں کے بارے میں چارٹس اور تصاویرکے ذریعے تفصیلی بریفنگ دی۔ بعد ازاں کمشنر نے ڈپٹی کمشنر اور اسسٹنٹ کمشنرز کے ہمراہ ضلع جنوبی کے مختلف علاقوں کا آگاہی دورہ کیا۔ انہوں نے ضلع میں قائم تاریخی اسکول این جے وی اسکول، جہانگیر پارک اور دیگر مراکز کا دورہ کیا۔ کمشنر نے کہا کہ وزیر اعلیٰ سندھ سید مراد علی شا ہ کے وژن کے مطابق حکومت سندھ کراچی نیبر ہوڈ امپروومنٹ منصوبوں کے ذریعے ضلع جنوبی کورنگی اور ملیر سمیت شہر کے مختلف اضلاع میں علاقوں کو ترقی دینے سہولتوں کو بہتر بنانے، ماحولیات کے تحفظ، ماحول کو خوبصورت بنانے، معیاری کھیلوں کے میدان اور کھیل کی سہولتوں کو بہتر بنانے کے کوشاں ہے۔ ڈپٹی کمشنرز کو چاہئے کہ وہ ان کوششوں کو بارآور کرنے میں اپنا موثر کردار ادا کریں۔ ضلع جنوبی میں جاری کراچی نیبر ہوڈ امپروومنٹ منصوبوں کے بارے میں ڈپٹی کمشنر ارشاد سوڈھر نے تفصیلی بریفنگ دی۔ انہوں نے بتایا کہ بوٹ بیسن امپروومنٹ پروجیکٹ ،ککری اسپورٹس کمپلیکس اور گزری اسپورٹس گراؤنڈ منصوبوں پر جلد کام شروع کرنے کیلئے عمل جاری ہے۔ ٹینڈر جاری کر دیئے گئے ہیں۔ ایڈیشنل ڈپٹی کمشنر ون تبریز مری نے کمشنر کو بتا یا کہ ضلع جنوبی میں ڈومیسائل کے اجرا کو کمپیوٹرائزڈ کر دیا ہے، اس سے شہریوں کو سہولت ملی ہے۔

Advertisement
روزنامہ دنیا ایپ انسٹال کریں