جنوری تا دسمبر آتشزدگی کے 2 ہزار 187 واقعات پیش آئے
کراچی (این این آئی)رواں سال یکم جنوری سے 17 دسمبر تک شہر کے مختلف علاقوں میں آتشزدگی کے 2 ہزار 187 واقعات پیش آئے جس میں آگ لگنے کے سب سے زیادہ 230 واقعات جنوری میں پیش آئے ۔
محکمہ فائر بریگیڈ کے اعداد و شمار کے مطابق جنوری میں آتشزدگی کے 230، فروری میں 214، مارچ میں 228، اپریل میں 165، مئی میں 203، جون میں 200، جولائی 143، اگست میں 149، ستمبر میں 119، اکتوبر میں 200، نومبر میں 175 جبکہ 17 دسمبر تک 161 واقعات پیش آئے ، رواں سال سب سے زیادہ 179 آتشزدگی کے واقعات کی اطلاع صدر فائر اسٹیشن کو دی گئی۔اعداد و شمار کے مطابق آتشزدگی کی اطلاعات میں سینٹرل فائر اسٹیشن 176، صدر فائر اسٹیشن 179، ناظم آباد فائر اسٹیشن 140، لیاری فائر اسٹیشن 123، سائٹ فائر اسٹیشن 143، کورنگی فائر اسٹیشن 120، لانڈھی فائر اسٹیشن 61، گلستان مصطفی 150، اورنگی فائر اسٹیشن 71، شاہ فیصل فائر اسٹیشن 54 واقعات رپورٹ ہوئے ۔
