گردوغبار کے طوفان ماحولیاتی نظام کیلئے بھی خطرہ،گورنر
کراچی (اے پی پی)گورنر سندھ کامران خان ٹیسوری نے بین الاقوامی یومِ ریت و گردوغبار کے موقع پر اپنے پیغام میں کہا ہے کہ گردوغبار کے طوفان نہ صرف انسانی صحت بلکہ ماحولیاتی نظام کے لیے بھی سنگین خطرہ ہیں۔
انہوں نے کہا کہ صاف فضا، سبز سندھ ہمارا قومی عزم ہے اور اسی سوچ کے تحت گورنر انیشیٹیو کے تحت جاری پودا لگائیں مہم میں اب تک ہزاروں پودے لگائے جا چکے ہیں جوکہ ماحولیاتی تحفظ کی جانب ایک عملی قدم ہے ۔انہوں نے کہا کہ ریاستی ادارے ، ماہرین اور عوام سب مل کر ماحولیاتی بحران سے نمٹنے کے لیے متحد ہیں۔علاوہ ازیں بین الاقوامی یومِ امید کے موقع پر اپنے پیغام میں گورنر نے کہا کہ یومِ امید ہمیں یاد دلاتا ہے کہ ہر اندھیرے کے بعد روشنی ضرور آتی ہے ۔گورنر ہاؤس میں نصب امید کی گھنٹی ایک ایسا پلیٹ فارم ہے جو عوامی مسائل کے فوری حل کے لیے کام کر رہا ہے ۔
روزنامہ دنیا ایپ انسٹال کریں
