ڈرم سے خاتون کی لاش ملنے کے واقعے کا مقدمہ درج
کراچی(مانیٹرنگ ڈیسک)ملیر ندی کے قریب ڈرم سے خاتون کی لاش ملنے کے واقعے کا مقدمہ تھانہ شرافی گوٹھ میں درج کر لیا گیا۔مقدمہ سرکار کی مدعیت میں قتل کی دفعات کے تحت درج کیا گیا۔
دو روز گزر جانے کے باوجود خاتون کی شناخت نہ ہو سکی۔ایف آئی آر متن کے مطابق ابتدائی طور پر لاش 10 سے 12 روز پرانی لگتی ہے ، لاش زیادہ پرانی ہونے کی وجہ سے فنگر پرنٹس نہیں مل سکے۔ ایس ایس پی ملیر کا کہنا ہے کہ دیگر تھانوں کو خاتون کی مسنگ رپورٹ پر فوری اطلاع دینے کی ہدایت دی ہے ، اایک خاندان سے بھی رابطہ کیا مگر خاتون کی شناخت نہیں ہوئی۔ایس ایس پی ملیر کا کہنا تھا کہ واقعے کی مختلف پہلوؤں سے تفتیش کر رہے ہیں۔
روزنامہ دنیا ایپ انسٹال کریں
