توہین عدالت کی درخواست پر میئر اور کے ایم سی کو نوٹس
کراچی (اسٹاف رپورٹر) سینئر سول جج شرقی کی عدالت نے عامل کالونی کے فلاحی پلاٹ پر قبضہ اور کمرشل سرگرمیوں کے خلاف دائر توہین عدالت کی درخواست پر میئر کراچی اور کے ایم سی کو نوٹس جاری کر دیے ہیں۔
سماعت کے دوران درخواست گزار کے وکیل نے مؤقف اختیار کیا کہ جگر مراد آبادی روڈ پر واقع پلاٹ پر قائم علامہ اقبال لائبریری 1969 سے موجود ہے ، فلاحی پلاٹ ہونے کے باعث بینک سے جگہ خالی کرائی گئی، جس کے بعد کے ایم سی نے قبضہ کرلیا اور ریسٹورنٹ بنانے کی کوشش کی جا رہی ہے ۔ عدالت نے فریقین سے 31 جنوری تک جواب طلب کرلیا۔
روزنامہ دنیا ایپ انسٹال کریں
