ڈینگی کے 52کیسز،رواں سال تعداد 14815 ہو گئی
لاہور (ہیلتھ رپورٹر)پنجاب میں گزشتہ 24 گھنٹوں میں ڈینگی کے 52 کیسز رپورٹ ہونے کے بعد رواں سال 36 اضلاع میں مجموعی مریضوں کی تعداد 14ہزار 815 ہو گئی ۔
سیکرٹری صحت علی جان خان کا کہنا ہے کہ رواں سال لاہور میں ڈینگی کے 6 ہزار 814 کیسز رپورٹ ہوئے ہیں۔انہوں نے بتایا لاہور میں گزشتہ روز 32، گوجرانوالہ اور ملتان میں 4، 4 ڈینگی کیس سامنے آئے ۔سیکرٹری صحت نے کہافیصل آباد میں 6، اوکاڑہ میں 2 جبکہ سیالکوٹ، بہاولپور، گجرات اور بہاولنگر میں ڈینگی کا ایک، ایک کیس رپورٹ ہوا ۔ان کا یہ بھی بتانا تھا کہ پنجاب کے ہسپتالوں میں ڈینگی کے کْل 44 مریض زیر علاج ہیں۔
روزنامہ دنیا ایپ انسٹال کریں
