محرم جلوس طوالت، اوقات، دورانیہ کی تفصیلات طلب
لاہور (آن لائن) کمشنر لاہور زید بن مقصود کی زیر صدارت محرم پلان جائزہ کے حوالے سے اجلاس ہوا۔ کمشنر نے لاہور ڈویژن کی تمام تحصیلوں میں محرم الحرام کے حوالے سے پلاننگ کا جائزہ لیا۔
انہوں نے تحصیلوں سے محرم انتظامات بارے مکمل پلاننگ، جلوس طوالت، اوقات اور جلوسوں کے دورانیہ کی تفصیلات طلب کرلیں۔ کمشنر نے ڈپٹی کمشنرز کو ہدایت دیتے ہوئے کہا تمام اضلاع محرم کنٹرول و مانیٹرنگ سنٹر قائم کریں اور سیف سٹی کیمروں سے منسلک کریں، تمام اضلاع اپنے محرم انتظامات پلان تمام سٹیک ہولڈرز کی مشاورت سے ترتیب دیں،ڈپٹی کمشنرز وال چاکنگ اور بینرز کو مسلسل چیک کرائیں، انہوں نے کہا تمام اضلاع پری و مون سون پیٹرن کو مدنظر رکھ کر نکاسی آب انتظامات فراہم رکھیں۔ تمام اضلاع میں محرم انتظامات کے حوالے سے دورے کرونگا۔
روزنامہ دنیا ایپ انسٹال کریں
