زکریا یونیورسٹی کے 2کرپٹ پروفیسروں کیخلاف کارروائی کاحکم

زکریا یونیورسٹی کے 2کرپٹ پروفیسروں کیخلاف کارروائی کاحکم

ملتان(خصوصی رپورٹر) وزیراعلیٰ نے اینٹی کرپشن کو زکریا یونیورسٹی کے دو پروفیسروں کے خلاف کارروائی کا حکم دے دیا تفصیل کے مطابق وزیراعلیٰ آفس سے ڈائریکٹر اینٹی کرپشن پنجاب اور ریجنل ڈائریکٹر اینٹی کرپشن ملتان کو جاری مراسلے میں کہاگیاہے۔

 کہ زکریا یونیورسٹی کے دو پروفیسرڈاکٹر سہیل ارشد جن کے خلاف فون کے جعلی بل جمع کرانے کا کیس ہے اور پروفیسر ڈاکٹرثمینہ افضل جن کو خلاف میرٹ تعینات کیا گیا کے کیسز ہیں کے بارے میں شیخ شیراز نے درخواستیں دیں تاحال ان کے خلاف کارروائی تعطل کا شکار ہے ۔اس لئے فوری طور پران پروفیسروں کے خلاف قانون کے مطابق کارروائی کرکے رپورٹ ارسال کی جائے تاکہ ایس اینڈ جی اے ڈی کو پندرہ دن کے اندر اندر پیش کیا جاسکے ۔واضح رہے کہ اینٹی کرپشن کو دی گئی درخواست میں شیراز امجد نامی شخص نے موقف اختیار کیا کہ ڈاکٹر ارشد موبائل فون کے جعلی بل جمع کرانے پیسے وصول کرتا رہا جو 2022میں رنگے ہاتھوں پکڑے گئے وائس چانسلر نے ایک انکوائری کمیٹی قائم کردی، مقرر کردہ کمیٹی کی ایک ابتدائی تحقیقات میں بلوں کو جعلی قرار دیا گیا ان نتائج کی تصدیق موبائل سروس فراہم کنندہ یو فون نے بھی کی تھی۔کمیٹی کی حتمی رپورٹ کے باوجود، پروفیسر ڈاکٹر ارشد کا نام فیکلٹی آف فارمیسی کے ڈین کے طور پر غور کے لیے بھیجا گیا،جب جعلی بل کی شکایت پر گورنر ہاوس نے وضاحت طلب کی تو یونیورسٹی انتظامیہ نے ایک نئی تحقیقات کمیٹی تشکیل دی ، جو بظاہر پروفیسر ڈاکٹر ارشد کو فائدہ پہنچانے کے لیے پچھلی کمیٹی کے نتائج سے متصادم ہے پروفیسر ڈاکٹر ارشد کو پہلے سکالرشپ سیل کے ڈائریکٹر کے طور پر مقرر کیا گیا تھا۔

روزنامہ دنیا ایپ انسٹال کریں