اساتذہ حاضری :سی سی ٹی وی کیمروں کا پلان تعطل کا شکار
ملتان (خصوصی رپورٹر)سکولوں میں اساتذہ کی حاضری کو یقینی بنانے کے لئے سی سی ٹی وی کیمرے لگانے کا پراجیکٹ تعطل کا شکار ہوگیا ۔
بتایاگیا ہے کہ اساتذہ کا سکولوں سے حاضری لگا کر غائب ہونے کا انکشاف سامنے آنے پر پنجاب کے مختلف اضلاع سے اساتذہ کی غیرحاضری کی شکایات موصول ہوئیں جس کے بعد سکولوں میں سی سی ٹی وی کیمرے لگانے کا منصوبہ شروع نہ کیا جاسکا۔فنڈز کی عدم فراہمی سے سکولوں کی مانیٹرنگ کا منصوبہ کاغذوں کی نذر ہو گیا ۔ذرائع کے مطابق مالی سال 26-2025کے بجٹ میں بھی کیمروں کیلئے فنڈ مختص نہیں کئے گئے ،سی سی ٹی وی کیمروں کے ذریعے سے طلباء کی حاضری کو بھی چیک کیا جانا تھا،فنڈز نہ ملنے سے تاحال کیمروں سے مانیٹرنگ کے پائلٹ پروجیکٹ کا آغاز نہ کیا جاسکا محکمہ سکولز حکام کاکہنا تھا کہ فنڈز ملتے ہی سکولوں کی مانیٹرنگ کیلئے منصوبے کا آغاز کردیا جائیگا۔
روزنامہ دنیا ایپ انسٹال کریں
