کندیاں:فیسیں جمع مگر نمبر پلیٹس جاری نہ ہوسکیں
کندیاں(نمائندہ دنیا )سرکاری نمبر پلیٹس کی مد میں فیس جمع کرنے کے باوجود تاحال نمبر پلیٹس جاری نہ ہوسکیں شہریوں کا فی الفور نمبر پلیٹس جاری کرنے کا مطالبہ محکمہ ایکسائز اینڈ ٹیکسیشن میانوالی کی طرف4سال قبل رجسٹریشن کروانے والے سائلین کو ان کے موٹرسائیکلوں کی سرکاری نمبر پلیٹس جاری نہیں ہو سکیں۔
محکمہ ایکسائز میانوالی سائلین سے رجسٹریشن فیس کے ساتھ ساتھ سرکاری نمبر پلیٹس جاری کرنے کی مد میں بھی فیس وصولی کر چکا ہے لیکن چار سال کا عرصہ گزرنے کے باوجود انہیں نمبر پلیٹس جاری نہ ہوسکیں شہریوں کا کہنا ہے کہ پنجاب حکومت کی طرف سے غیر سرکاری فینسی نمبر پلیٹس پر پابندی عائد ہونے اورسرکاری نمبر پلیٹس کے بغیر انہیں سفر کرنے میں دشواری کے ساتھ ساتھ قانون نافذ کرنے والے اداروں کی طرف سے موٹرسائیکل کو تھانہ میں بند کئے جانے جیسے مسائل کا سامنا کرنا پڑرہا ہے شہریوں نے محکمہ ایکسائز اینڈ ٹیکسیشن پنجاب کے حکام بالا سے فی الفور سرکاری نمبر پلیٹس جاری کروانے کا مطالبہ کیا ہے ۔
