سیمنٹ ، سریا ، ریت ، بجری اور اینٹوں کی قیمت میں اضافہ ، تعمیراتی کمپنیاں چکراگئیں
سرگودھا(نامہ نگار) پٹرولیم مصنوعات کی قیمتوں میں اضافہ ڈالر کی بڑھتی ہوئی قیمت کے باعث جہاں تعمیراتی کاموں کو بریک لگ گئی ہے وہاں سیمنٹ کی بوری 50 سے 60 روپے ، سریا 35 سے 45 روپے کلو تک مہنگا ہوگیا۔۔۔
جبکہ ریت بجری اور اینٹوں کی قیمتوں کو بھی پَر لگ گئے درجہ اول کی اینٹ کی قیمت میں فی ہزار 1500 روپے جبکہ دوئم درجہ کی اینٹ میں 1000 سے 1200 روپے اضافہ کی وجہ سے کنسٹرکشن کمپنیاں چکرا کر رہ گئی ہیں بالخصوص جنہوں نے کم نرخوں پر گھر’ مارکیٹس’ پلازے بنانے کے معاہدے کررکھے ہیں ان کی پریشانی بڑھ گئی ہے اب قیمتوں میں اضافے کی وجہ سے مالکان اور کنسٹرکشن کے درمیان طوالت اختیار کررہے ہیں شہریوں کا کہنا ہے کہ پاکستان میں عوام کے پاس اتنے پیسے نہیں ہیں کہ وہ باہر جاسکیں اور نہ ہی اتنے پیسے ہیں کہ وہ ملک میں رہ کر گزارہ کرسکیں اشرافیہ نے پاکستانی عوام کو اس نہج پر پہنچا دیا ہے کہ وہ نہ جی سکتے ہیں اور نہ مرسکتے ہیں۔
