آر پی او کی زیر صدارت پولیس ترقیاتی کاموں کا جائزہ اجلاس
سرگودھا(سٹاف رپورٹر)آر پی او محمد شہزاد آصف خان کی زیر صدارت پولیس ترقیاتی منصوبوں کا جائزہ اجلاس آر پی او آفس میں منعقد ہوا۔
اجلاس میں ڈی پی او سرگودھا محمد صہیب اشرف، سپرنٹنڈنگ انجینئر بلڈنگ سرکل،وائس پرنسپل پولیس ٹریننگ سکول، ایس پی ہائی وے پٹرول اور ایس پی آپریشنز سیف سٹی جبکہ خوشاب، میانوالی اور بھکر کے ڈی پی اوز نے بذریعہ ویڈیو لنک شرکت کی۔ اجلاس میں ترقیاتی منصوبوں میں ہونے والی پیش رفت کا تفصیلی جائزہ لیا گیا۔سرگودھا ریجن میں پولیس کی کل پندرہ ترقیاتی سکیمیں چل رہی ہیں جن میں ضلع سرگودھا پانچ ،خوشاب تین ، میانوالی تین، بھکر ایک ،پنجاب ہائی وے پٹرول ایک اور پولیس ٹریننگ سکول کی دو ترقیاتی سکیمیں شامل ہیں۔آر پی او محمد شہزاد آصف خان نے جاری منصوبوں کو جلد از جلد مکمل کرنے کی ہدایت جاری کی ۔
روزنامہ دنیا ایپ انسٹال کریں
