پاکستان ایئرپورٹس اتھارٹی کیلئے 25 منزلہ جدید ہیڈکوارٹرز عمارت کی منظوری
اسلام آباد: (دنیا نیوز) وفاقی دار الحکومت میں پاکستان ایئرپورٹس اتھارٹی (پی اے اے) کی 25 منزلہ جدید ہیڈکوارٹرز عمارت کی منظوری دیدی گئی۔
سی ڈی اے نے پی اے اے کی ہیڈکوارٹرز عمارت کے لیے نیسپاک کے ڈیزائن کی منظوری دی، پی اے اے ہیڈکوارٹرز 12 لاکھ 40 ہزار 990 مربع فٹ پر مشتمل ہوگا، جس میں 6 بیسمنٹ پارکنگ شامل ہوں گی۔
پی اے اے کے مطابق گراؤنڈ سے چھت تک بلند مرکزی ایٹریم عمارت کے حسن میں اضافہ کرے گا، خم دار ڈیزائن، ڈبل گلیزڈ کرٹن وال اور سبز صحن پائیداری کو یقینی بنائیں گے۔
