پاکستان سٹاک ایکسچینج میں تیزی کا رجحان برقرار، ڈالر مزید سستا
کراچی: (دنیا نیوز) پاکستان سٹاک ایکسچینج میں تیزی کا رجحان برقرار ہے جبکہ تبادلہ مارکیٹ میں روپے کے مقابلے میں امریکی ڈالر کی قیمت بھی گر گئی۔
کاروباری ہفتے کے دوسرے روز سٹاک مارکیٹ میں کاروبار کا مثبت آغاز ہوا، پہلے سیشن کے آغاز پر 100 انڈیکس میں 577 پوائنٹس کا اضافہ ہوا جس سے انڈیکس ایک لاکھ 71 ہزار781 پوائنٹس پر پہنچ گیا۔
یاد رہے کہ گزشتہ روز سٹاک ایکسچینج میں ملا جلا رجحان رہا تھا، کاروباری دن کے اختتام پر 100 انڈیکس ایک لاکھ 71 ہزار 204 پوائنٹس پر بند ہوا تھا۔
ڈالر مسلسل گراوٹ کا شکار
ایکسچینج کمپنیز ایسوسی ایشن کے مطابق دوسری جانب ڈالر مسلسل گراوٹ کا شکار ہے، انٹر بینک میں 2 پیسے کی کمی کے بعد ڈالر 280 روپے 20 پیسے پرٹریڈ کر رہا ہے۔
