ملک بھر میں سونے اور چاندی کی قیمتوں میں نمایاں کمی
کراچی: (دنیا نیوز) ملک بھر میں سونے اور چاندی کی قیمتوں میں کمی ریکارڈ کی گئی۔
اعداد و شمار کے مطابق 24 قیراط فی تولہ سونا 4 ہزار 700 روپے سستا ہو کر 4 لاکھ 55 ہزار 562 روپے کا ہو گیا جبکہ چاندی کی قیمت میں بھی کمی دیکھنے میں آئی ہے، 24 قیراط فی تولہ چاندی 106 روپے سستی ہو کر 7 ہزار 756 روپے کی ہو گئی ہے۔
10 گرام سونے کی قیمت میں 4 ہزار 30 روپے کمی ہوئی جس کے بعد اس کی نئی قیمت 3 لاکھ 90 ہزار 570 روپے مقرر کی گئی ہے۔
عالمی مارکیٹ کے مطابق کراچی میں فی اونس سونا 47 ڈالر کی کمی کے بعد 4 ہزار 332 ڈالر پر آ گیا ہے جبکہ عالمی منڈی میں قیمتوں میں اتار چڑھاؤ کے اثرات مقامی مارکیٹ پر بھی مرتب ہو رہے ہیں۔
یاد رہے کہ گزشتہ روز فی تولہ سونا 5 ہزار 700 روپے مہنگا ہو کر 4 لاکھ 60 ہزار 262 روپے کی سطح پر پہنچ گیا تھا اور اسی طرح 10 گرام سونے کی قیمت میں بھی 4 ہزار 887 روپے کا اضافہ ہوا جس کے بعد 10 گرام سونا 3 لاکھ 94 ہزار 600 روپے میں فروخت ہونے لگا تھا۔
