کراچی: شہری کو2 سال قبل چوری ہونے والی موٹرسائیکل نہ ملی، ای چالان مل گیا
کراچی:(دنیا نیوز) شہرِ قائد میں 2 سال قبل چوری کی گئی موٹر سائیکل کے مالک کو ای چالان موصول ہوگیا۔
اس حوالے سے متاثرہ شہری نے بتایا کہ اس کی موٹرسائیکل 7 دسمبر 2023 کو لیاقت آباد سے چوری ہوئی تھی، واقعےکی ایف آئی آر بھی درج کرائی گئی لیکن موٹرسائیکل نہیں مل سکی۔
متاثرہ شہری کا کہنا تھا کہ حیران کن طور پر مجھے موٹرسائیکل تو نہ ملی لیکن 28 دسمبر 2025 کو ای چالان مل گیا، چالان نیشنل اسٹیڈیم فلائی اوور کے قریب ہیلمٹ کی خلاف ورزی پرکیا گیا۔
شہری نے پولیس حکام سے اپیل کی ہے کہ موٹرسائیکل کی برآمدگی کے لیے اقدامات کیے جائیں۔
