مریم نواز کا ایک اور اہم اقدام : 6 بائیو گیس پلانٹس کی منظوری دے دی
لاہور:(دنیا نیوز) وزیراعلیٰ پنجاب مریم نواز نے 6 بائیو گیس پلانٹس کی منظوری دے دی۔
صوبائی دارالحکومت میں مریم نواز کی زیر صدارت کلین انرجی سے متعلق اجلاس میں لاہور میں ویسٹ ٹو انرجی پروجیکٹ شروع کرنے کا فیصلہ بھی کیا گیا، اُنہوں نے مثالی گاؤں پروگرام میں بائیو گیس پلانٹس کے 3 پائلٹ پروجیکٹس شامل کرنے کی بھی منظوری دی۔
اس معاملے میں وزیراعلیٰ پنجاب نے اسمال بائیو گیس پلانٹس کا قابل عمل منصوبہ طلب کر لیا اور کہا کہ کلین انرجی کے میدان میں پنجاب نے سب کو پیچھے چھوڑ دیا ہے۔
انہوں نے مزید کہا کہ بائیو گیس پلانٹس سے فصلوں کےلیے بائیو فرٹیلائزر اور گھریلو استعمال کیلئے سستی گیس میسر ہوگی، ویسٹ ٹو انرجی پروجیکٹ سے الیکٹرک بس اور میٹرو بس کو سستی بجلی فراہم کی جائے گی۔
