پہلا ون ڈے: انگلش ویمنز ٹیم کا پاکستان کو جیت کیلئے 244 رنز کا ہدف
ڈربی: (دنیا نیوز) پاک انگلینڈ ویمنز ون ڈے سیریز کے پہلے میچ میں انگلش ٹیم نے پاکستان کو جیت کیلئے 244 رنز کا ہدف دے دیا۔
انگلینڈ کے شہر ڈربی میں ہونیوالے پاک انگلینڈ ویمنز ون ڈے سیریز کے پہلے میچ میں پاکستان ویمنز کرکٹ ٹیم کی کپتان ندا ڈار نے ٹاس جیت کر پہلے فیلڈنگ کا فیصلہ کیا۔
میزبان ٹیم نے پہلے بیٹنگ کرتے ہوئے مقررہ 50 اوورز میں 9 وکٹوں کے نقصان پر 243 رنز بنائے، انگلینڈ کی جانب سے ایلس کیپسی 44 اور ایمی جونز 37رنز بنا کر نمایاں رہیں۔
پاکستان کی جانب سے ندا ڈار نے تین، ناشرہ سندھو، عالیہ ریاض اور ام ہانی نے دو، دو وکٹیں حاصل کیں۔
