تیسرا ٹی 20 آج، شاہینوں کو کینگروز سے وائٹ واش سے بچنے کا چیلنج درپیش
ہوبارٹ: (دنیا نیوز) پاکستان اور آسٹریلیا کے درمیان سیریز کا تیسرا اور آخری ٹی 20 میچ آج ہوبارٹ میں کھیلا جائے گا۔
وائٹ واش سے بچنے کے لیے شاہین آج کینگروز کا شکار کرنے کو تیار ہیں، 3 میچوں کی سیریز میں آسٹریلیا کو دو صفر کی فیصلہ کن برتری حاصل ہے۔
دوسرے میچ میں پاکستانی کھلاڑیوں کی ناقص فیلڈنگ اور سلو بیٹنگ شکست کا سبب بنی، سابق کپتان بابر اعظم کی کار کردگی بدستور خراب ہے، تاہم کپتان رضوان پر امید ہیں کہ تیسرے میچ میں جیت پاکستان کی ہو گی۔
واضح رہے کہ دوسرے ٹی 20 میں حارث رؤف نے اہم سنگ میل عبور کیا، میچ میں 4 وکٹیں لینے والے حارث رؤف مشترکہ طور پر پاکستان کی جانب سے ٹی 20 انٹرنیشنلز میں سب سے زیادہ وکٹیں لینے والے باؤلر بن گئے ہیں۔
حارث رؤف نے 74 ٹی 20 انٹرنیشنلز میں 107 وکٹیں لی ہیں، شاداب خان بھی 104 میچز میں 107 وکٹیں لے چکے ہیں۔
