سٹالینز نے مارخور کو شکست دے کر چیمپئنز ٹی 20 کپ جیت لیا
راولپنڈی: (دنیا نیوز) سٹالینز نے مارخور کو فائنل میں 75 رنز سے شکست دے کر چیمپئنز ٹی 20 کپ جیت لیا۔
پنڈی کرکٹ سٹیڈیم میں کھیلے گئے فائنل میں سٹالینز نے ٹاس جیت کر بیٹنگ کا فیصلہ کیا اور مقررہ 20 اوورز میں 5 وکٹوں کے نقصان پر 199رنز بنائے۔
سٹالینز کی جانب سے یاسر خان نے 5 چوکوں 7 چھکوں کی مدد سے 100رنز کی شاندار باری کھیلی۔ جہانداد خان 22 جبکہ شعیب ملک 6رنز بنا کر ناٹ آؤٹ رہے۔
200 رنز کے تعاقب میں مارخور کی ٹیم 124رنز بنا کر آؤٹ ہو گئی، مارخور کی جانب سے فیضان نے 43 اور افتخار احمد نے 22رنز بنائے۔
محمد علی اور عثمان طارق نے 2، 2 وکٹیں حاصل کیں۔ یاسر خان کو مین آف دی میچ قرار دیا گیا۔
