ہیزل ووڈ ایشیز سے باہر، آسٹریلوی کپتان کمنز کی ایڈیلیڈ ٹیسٹ میں واپسی
ایڈیلیڈ: (دنیا نیوز) آسٹریلیا کرکٹ ٹیم کے لیے ایک ساتھ اچھی اور بری خبر سامنے آگئی۔
ہیڈ کوچ اینڈیو میکڈانلڈ نے تصدیق کرتے ہوئے کہا ہے کہ فاسٹ بولر جوش ہیزل ووڈ ایشیز سیریز سے باہر ہو گئے ہیں جبکہ کپتان پیٹ کمنز کی ایڈیلیڈ ٹیسٹ میں ٹیم میں واپسی ہو گی۔
اینڈیو میکڈانلڈ کا کہنا تھا کہ جوش ہیزل ووڈ ہیمسٹرنگ انجری کے بعد اب ایڑی کے مسلز کی انجری کا شکار ہو گئے ہیں، جوش ہیزل ووڈ اب ایشیز سیریز میں ایکشن میں نہیں ہوں گے۔
انہوں نے کہا ہے کہ پیٹ کمنز کو ایڈیلیڈ ٹیسٹ سے قبل کوئی میچ نہیں مل رہا، پیٹ کمنز ٹیسٹ کے لیے جتنا بھی ممکن ہو سکتا ہے بہترین تیار ہوں گے، پیٹ کمنز کی سکواڈ میں شمولیت کا بڑا اعلان کل ہو سکتا ہے۔
واضح رہے کہ پیٹ کمنز اور جوش ہیزل ووڈ ایشیز سیریز کے پہلے دونوں ٹیسٹ میچز نہیں کھیل سکے تھے، ایشیز سیریز کا تیسرا ٹیسٹ 17 دسمبر سے ایڈیلیڈ میں شروع ہو گا، 5 ٹیسٹ میچز کی ایشیز سیریز میں آسٹریلیا کو دو صفر کی برتری حاصل ہے۔
