مالاکنڈ : راستے کے تنازع پر فائرنگ ،5 افراد جاں بحق
مالاکنڈ : (دنیانیوز) مالاکنڈ بٹ خیلہ میں راستے کے تنازع پر دو گروپوں میں فائرنگ پانچ افراد کی جان لے گئی ۔
پولیس کے مطابق دونوں گروپوں میں راستے کا تنازع ایک سال سے چلا آ رہا تھا ، فائرنگ کے نتیجے میں 5 افراد موقع پر دم توڑ گئے جبکہ ایک زخمی ہو گیا۔
اطلاع ملنے پر پولیس اور لیویز موقع پر پہنچ گئیں اور علاقے کو گھیرے میں لے لیا ، پولیس نے لاشوں اور زخمی کو ڈی ایچ کیو ہسپتال بٹ خیلہ منتقل کردیاجبکہ ملزمان فرار ہو گئے۔
پولیس کی جانب سے واقعے کی تفتیش کی جارہی ہے۔
