اے این ایف کی ملک کے مختلف شہروں میں کارروائیاں، 251 کلو منشیات برآمد
کراچی: (دنیا نیوز) اینٹی نارکوٹکس فورس (اے این ایف) نے ملک کے مختلف شہروں میں 11 کارروائیوں کے دوران 251.34 کلو گرام منشیات برآمد کر کے 12 ملزمان گرفتار کر لیے۔
ترجمان اے این ایف کے مطابق کارروائیاں کوئٹہ، اسلام آباد، نوکنڈی، گوجرانوالہ، حیدرآباد، سکھر اور شیخوپورہ میں کی گئیں۔
اے این ایف ترجمان نے بتایا کہ کارروائیوں کے دوران 169 کلو 400گرام افیون، 72 کلو چرس برآمد ہوئی، کارروائی میں 13 کلو 154گرام ہیروئن اور 5 کلو 400گرام آئس برآمد ہوئی، ملزمان سے 160 نشہ آور گولیاں،ایک کوکین بھرا کیپسول برآمد کیا گیا۔
ترجمان کا مزید کہنا تھا کہ گرفتار ملزمان نے تعلیمی اداروں کے طلبہ کو منشیات فروخت کرنے کا بھی اعتراف گرفتار کیا ہے، ملزمان کے خلاف انسداد منشیات ایکٹ کے تحت مقدمات درج کرلیا گیا ہے۔
