پشاور: دیرینہ دشمنی پر فائرنگ سے 5 افراد قتل
پشاور: (دنیا نیوز) خیبر پختونخوا کے دارالحکومت پشاور میں دیرینہ دشمنی پر فائرنگ کرکے 5 افراد کو قتل کردیا گیا۔
پولیس حکام کے مطابق افسوسناک واقعہ پشاور کے علاقے پشتخرہ میں پرانی دشمنی اور جائیداد کے تنازع پر پیش آیا۔
ابتدائی طور پر واقعے میں پولیس نے بتایا تھا کہ واقعہ میں 3 افراد جاں بحق ہوئے جب کہ متعدد زخمی ہیں، بعدازاں اپ ڈیٹ جاری کرتے ہوئے پولیس نے بتایا کہ جاں بحق افراد کی 5 ہوگئی، واردات کے دوران 3 زخمی بھی ہوئے ہیں۔
پولیس نے کہا کہ واقعہ کی مختلف پہلوؤں سے تفتیش شروع کردی ہے، واردات میں ملوث ملزمان کو کیفر کردار تک پہنچایا جائے گا۔
