اقراء عزیز اور یاسر حسین کے ہاں دوسرے بچے کی پیدائش
کراچی: (ویب ڈیسک) پاکستان کی نامور اداکارہ اقراء عزیز اور یاسر حسین کے ہاں دوسرے بچے کی پیدائش ہوئی ہے۔
یاسر حسین نے 24 جنوری ہفتے کی شب انسٹاگرام پر سٹوری پوسٹ میں بتایا کہ ان کے ہاں بیٹی کی پیدائش ہوئی ہے، سٹوری میں یہ بھی بتایا گیا کہ بیٹی 24 جنوری کو پیدا ہوئی۔
اداکار کی سٹوری سوشل میڈیا پر وائرل ہے اور ساتھ فنکار سمیت مداح جوڑے کو مبارکباد دے رہے ہیں۔
اقراء اور یاسر کی جانب سے کچھ ہفتے قبل اعلان کیا گیا تھا کہ وہ دونوں جلد ہی خوشخبری سنانے والے ہیں، واضح رہے دونوں کا اس سے پہلے ایک بیٹا ہے جس کی پیدائش 2021 میں جولائی کے مہینے میں ہوئی تھی۔
خیال رہے جوڑے کی شادی دسمبر 2019 میں کراچی میں ہوئی تھی جس میں شوبز انڈسٹری کے کئی نامور فنکاروں نے شرکت کی تھی۔
