اب بہت ہوگیا، پاکستان کو بنگلہ دیش کا بھرپور ساتھ دینا چاہیے: راشد لطیف
لاہور: (ویب ڈیسک) قومی ٹیم کے سابق کپتان نے راشد لطیف نے مشورہ دیا ہے کہ پاکستان کو بنگلہ دیش کا بھرپور ساتھ دینا چاہیے، اب بہت ہوگیا۔
سابق کرکٹر راشد لطیف نے کہا کہ بھارت کی جانب سے بہت زیادہ ہوگیا ہے، ہاتھ نہ ملانا اور اب بنگلہ دیش کا معاملہ سامنے آ گیا ہے، بی جے پی کے رہنما نے مستفیض الرحمان کو آئی پی ایل سے ہٹانے کی بات کی، بنگلا دیشی کرکٹر کو مارنے کی دھمکی بھی دی گئی اور مارنے والے کیلئے نقد انعام کا بھی اعلان کیا گیا۔
انہوں نے کہا کہ ان تمام چیزوں کے ذمہ دار امیت شاہ ہیں اور ان کا بیٹا آئی سی سی کا صدر ہے۔
راشد لطیف کا کہنا تھا کہ سب چیزیں سامنے ہونے کے باوجود ممبر ممالک مالی معاملات کی وجہ سے خاموش ہیں، جب پاکستان کوئی فیصلہ کرے گا تو اس کا اثر پڑے گا۔
