مریم کیخلاف پولیس وردی پہننے پر اندراج مقدمہ کی درخواست پر سماعت نہ ہو سکی
لاہور: (دنیا نیوز) سیشن کورٹ لاہور میں فاضل جج کے تبادلے کے باعث مریم نواز کے خلاف پولیس کی وردی پہننے کیخلاف مقدمہ درج کرنے کی درخواست پر آج بھی سماعت نہ ہو سکی۔
لاہور کی عدالت میں پولیس کی یونیفارم پہننے پر وزیراعلیٰ پنجاب مریم نواز کے خلاف اندراج مقدمہ درخواست پر سماعت 2 مئی تک ملتوی کردی گئی۔
واضح رہے کہ عدالت نے درخواست گزار سے فرنٹ ڈیسک کی رپورٹ طلب کر رکھی ہے۔
وزیراعلیٰ پنجاب مریم نواز کے خلاف درخواست وقار علی نامی شہری نے دائر کر رکھی ہے۔
آج دوران سماعت وکیل آفتاب باجوہ نے عدالت کو بتایا کہ وزیراعلیٰ پنجاب مریم نواز نے پولیس آفیشل کی وردی پہنی، کوئی شخص کسی ادارے کی وردی نہیں پہن سکتا، انہوں نے عدالت سے مریم نواز کے خلاف مقدمہ درج کرنے کا حکم دینے کی استدعا کی۔
