ٹی20 ورلڈکپ کیلئے قومی ٹیم کی نئی کِٹ کی رونمائی
لاہور: (دنیا نیوز) پاکستان کرکٹ بورڈ نے ٹی ٹوئنٹی ورلڈ کپ کے لیے قومی ٹیم کی نئی کِٹ کی رونمائی کردی ہے۔
قذافی سٹیڈیم لاہور میں ہونے والی کٹ کی رونمائی تقریب میں چیئرمین پاکستان کرکٹ بورڈ محسن نقوی سمیت کپتان بابر اعظم، محمد رضوان، نسیم شاہ، شاہین شاہ آفریدی کے علاوہ پاکستان کرکٹ بورڈ کے عہدیدار بھی شریک ہوئے۔
تقریب رونمائی سے خطاب کرتے ہوئے پاکستان کرکٹ بورڈ کے چیئرمین محسن نقوی نے کہا ہے کہ 2009 کی طرح قومی کرکٹ ٹیم ٹی ٹوئنٹی ورلڈ کپ کی ٹرافی لے کر آئے گی۔
— Pakistan Cricket (@TheRealPCB) May 6, 2024
محسن نقوی نے کہا کہ میرے بس میں ہوتا تو ٹیم کے لیے ایک لاکھ ڈالر سے بھی زیادہ کا اعلان کرتا، قومی کرکٹ ٹیم میں بھرپور صلاحیت موجود ہے، جیت پر ٹیم کو مزید انعامات بھی دیے جائیں گے، پاک بھارت میچ دیکھنے کے لیے امریکا جاؤں گا۔
چیئرمین پاکستان کرکٹ بورڈ محسن نقوی نے کٹ کی رونمائی کے موقع پر کھلاڑیوں کے ساتھ تصاویر بھی بنوائیں۔
