خود کو پیدائشی نہیں شعوری مسلمان سمجھتا ہوں: حمزہ علی عباسی
لاہور: (ویب ڈیسک) پاکستان شوبز انڈسٹری کے معروف اداکار حمزہ علی عباسی نے کہا ہے کہ میں پیدائشی مسلمان نہیں ہوں بلکہ میں خود کو شعوری مسلمان سمجھتا ہوں۔
حال ہی میں اداکار حمزہ علی عباسی نے ایک پوڈ کاسٹ میں بطور مہمان شرکت کی اور اپنی نجی زندگی کے حوالے سے کھل کر بات چیت کی۔
انہوں نے ایک سوال کا جواب دیتے ہوئے کہا کہ میں خود کو پیدائشی طور پر مسلمان نہیں سمجھتا بلکہ شعوری مسلمان سمجھتا ہوں جو دین کو سمجھ کر اس کی پیروی کرتا ہے۔
اداکار کا کہنا ہے کہ ہاں میں ایک مسلمان گھرانے میں پیدا ہوا، میں پہلے سے ایک مسلمان تھا لیکن اب میں جو زندگی گزار رہا ہوں وہ میری اپنی مرضی کی ہے، میں نے تمام مذاہب کا مطالعہ کرنے کے بعد اسلام کا انتخاب کیا۔
انہوں نے کہا کہ میں کوئی مذہبی سکالر نہیں ہوں لیکن دین کی جو باتیں مجھے عقلی و شعوری طور پر سمجھ آتی ہیں میں ان پر عمل کرنے اور انہیں آگے پہنچانے کی کوشش کرتا ہوں۔
