ہماری طلاق نہیں ہوئی، ہم اب بھی ایک ساتھ رہتے ہیں: سنیتا آہوجا
ممبئی: (ویب ڈیسک) بالی ووڈ کے لیجنڈ اداکار گووندا کی اہلیہ سنیتا آہوجا نے علیحدگی کی خبروں کو مسترد کر دیا۔
ایک پوڈکاسٹ میں سنیتا آہوجا نے گووندا سے علیحدگی کی خبروں کو مسترد کرتے ہوئے کہا کہ ان کے درمیان نہ طلاق ہوئی ہے اور نہ ہی اس کا کوئی ارادہ ہے، دونوں اب بھی ساتھ رہتے ہیں۔
ان کا کہنا تھا کہ وہ شوہر کی زندگی میں آنے والی دیگر خواتین کے معاملات کو نظرانداز نہیں کرتیں، ان کا رشتہ مضبوط ہے تاہم اگر بے وفائی ثابت ہوئی تو وہ معاف نہیں کریں گی۔
سنیا آہوجا نے خاندانی ذمہ داریوں اور بچوں کے مستقبل پر بھی بات کی اور بیٹے کیلئے خاطرخواہ کردار ادا نہ کرنے پر گووندا پر ناراضی ظاہر کی۔
واضح رہے کہ گووندا اور سنیتا آہوجا کی شادی 1987 میں ہوئی تھی اور ان کے دو بچے ٹینا اور یش وردھن آہوجا ہیں۔
