ٹی 20 ورلڈکپ: پاکستان کی بنگلہ دیش کو مکمل حمایت کی یقین دہانی
لاہور: (دنیا نیوز) بنگلہ دیش کرکٹ ٹیم کے بھارت نہ جانے کے معاملے پر پاکستان نے بنگلہ دیش کو مکمل حمایت کی یقین دہانی کرا دی۔
حکومتی ذرائع کے مطابق بھارت ٹیم نہ بھیجنے کے معاملے پر بنگلہ دیشی حکومت کا پاکستانی حکومت سے رابطہ ہوا ہے، اگر بنگلہ دیش کا مسئلہ حل نہ کیا گیا تو پاکستان ٹی ٹوئنٹی ورلڈ کپ میں شرکت کے فیصلے کا جائزہ لے گا۔
ذرائع کے مطابق پاکستانی حکام نے کہا کہ بنگلہ دیش کی معقول اور درست وجوہات ہیں، ان پر عمل درآمد ہونا چاہئے اور بھارت کو کسی ملک کو ڈرانے دھمکانے کی اجازت نہیں دی جاسکتی۔
ذرائع کا یہ بھی بتانا ہے کہ پاکستان نے بنگلہ دیش کو اس معاملے پر مکمل حمایت کرنے کی یقین دہانی کرائی ہے، بنگلہ دیش نے سکیورٹی خدشات کے باعث ورلڈکپ کےلیے بھارت نہ جانے کا اعلان کر رکھا ہے۔
