لاڑکانہ میں مبینہ پولیس مقابلہ، 20 سے زائد مقدمات میں ملوث ڈاکوزخمی حالت میں گرفتار
لاڑکانہ: (دنیا نیوز) غلام بھٹو روڈ کے علاقے میں مبینہ پولیس مقابلے میں ایک ڈاکو کو زخمی حالت میں گرفتار کر لیا گیا۔
ایس ایس پی احمد فیصل چودھری نے بتایاکہ گشت پر معمور پولیس اہلکاروں اور ڈاکووں کے درمیاں فائرنگ کا تبادلہ ہوا، دو طرفہ فائرنگ کے نتیجے میں ڈاکو زخمی حالت میں حراست میں لے لیا گیا جس سے اسلحہ بھی برآمد کر لیا گیا۔
احمد فیصل چودھری کا کہنا تھا کہ زخمی حالت میں گرفتار ڈاکو کی شناخت وسیم جتوئی کے نام سے ہوئی ہے، ڈاکو وسیم کے دیگر ساتھیوں کی گرفتاری کے لئے علاقے میں سرچ آپریشن جاری ہے، گرفتار ڈاکو وسیم سنگین نوعیت کے 20 سے زائد مقدمات میں مطلوب تھا۔
ایس ایس پی نے مزید بتایاکہ زخمی ڈاکو کو ابتدائی طبی امداد کے لئے ٹراما سینٹر منتقل کردیا گیا ہے۔
