دہشتگردی مقدمات: عمرایوب سمیت پی ٹی آئی رہنماؤں کی ضمانت کی درخواستیں خارج
اسلام آباد:(دنیا نیوز) انسداد دہشتگردی کی عدالت نے 26 نومبراحتجاج، سنگجانی جلسہ کیس،ودیگر 8کیسز عمر ایوب سمیت پی ٹی آئی رہنماؤں کی ضمانت قبل از گرفتاری کی درخواستیں خارج کردیں۔
عدالت نے زرتاج گل کی 7 مقدمات، شبلی فراز، عالیہ حمزہ کی بھی 5 سے زائد کیسز میں ضمانتوں کی درخواستیں خارج کیں۔
دوسری جانب عدالت نے ملزمان کی حاضری سے استثنیٰ کی درخواستوں پر فیصلہ محفوظ کیا تھا، عدالت نے تمام ملزمان کی حاضری معافی کی درخواستیں بھی مسترد کر دیں۔
واضح رہے پی ٹی آئی رہنماؤں کے خلاف مختلف 5 سے زائد تھانوں میں مقدمات درج ہیں۔
