قصور: باراتیوں کی گاڑی الٹنے سے 3 افراد جاں بحق
قصور: (دنیا نیوز) باراتیوں کی گاڑی الٹنے سے 3 افراد جاں بحق جبکہ ایک شدید زخمی ہوگیا۔
افسوسناک حادثہ چھانگا مانگا روڈ پر پیش آیا جہاں شادی کی تقریب سے واپسی پر باراتیوں کی گاڑی الٹ گئی، حادثے میں 3 افراد موقع پر دم توڑ گئے جبکہ ایک شدید زخمی ہوگیا۔
حادثے کی اطلاع ملتے ہی پولیس اور ریسکیو ٹیمیں موقع پرپہنچ گئیں، جاں بحق افراد کی لاشوں اور زخمی شخص کو تحصیل ہیڈکوارٹر ہسپتال منتقل کردیا گیا۔
