بہاولپور: لڑکی کی تشدد زدہ جلی ہوئی لاش کا معاملہ، مقدمہ درج
بہاولپور: (دنیا نیوز) پنجاب کے شہر بہاولپور سے نامعلوم لڑکی کی تشدد زدہ جلی ہوئی لاش ملنے کا معاملہ پیش آیا، پولیس کی مدعیت میں نامعلوم افراد کے خلاف قتل کا مقدمہ درج کر دیا گیا ہے۔
ایف آئی آر متن کے مطابق 20 سالہ لڑکی کو تشدد کے بعد قتل کرکے جلایا گیا ہے جبکہ ایک روز قبل چک 8 بی سی جھاڑیوں سے لڑکی کی لاش ملی تھی۔
پولیس کے مطابق لڑکی کی لاش کے قریب عینک ، جوتا اور ہاتھ میں پہنی ہوئی انگوٹھی ملی ہے، پوسٹمارٹم کے بعد لاش سرد خانہ منتقل کر دی گئی ہے۔
پولیس کا کہنا ہے کہ معاملے کی قانونی کارروائی کرتے ہوئے تحقیقات کا عمل جاری ہے۔
