زرمبادلہ کے ذخائر میں ایک کروڑ 34 لاکھ ڈالرز کا اضافہ ریکارڈ
کراچی: (دنیا نیوز) سٹیٹ بینک آف پاکستان نے کہا ہے کہ زرمبادلہ کے سرکاری ذخائر میں گزشتہ ہفتے کے دوران ایک کروڑ 34 لاکھ ڈالر کا اضافہ ہوا ہے۔
سٹیٹ بینک کی جانب سے جاری اعداد وشمار کے مطابق زرمبادلہ کے سرکاری ذخائر 16 ارب 8 کروڑ 77 لاکھ ڈالر سے بڑھ کر 16 ارب 10 کروڑ ڈالر کی سطح پر پہنچ گئے ہیں ۔
مرکزی بینک نے بتایا کہ ایک ہفتے میں زرمبادلہ کے مجموعی ذخائر کی مالیت 3 کروڑ 51 لاکھ ڈالر کے اضافے کیساتھ 21 ارب 29 کروڑ ڈالر کی سطح پر آگئی ہے۔
سٹیٹ بینک نے مزید بتایا کہ کمرشل بینکوں کے ذخائر2 کروڑ 17 لاکھ ڈالر کے اضافے کیساتھ 5 ارب 19 کروڑ 34 لاکھ ڈالر کی سطح پر آگئے ہیں۔
