امریکا محاصرہ اور جارحیت ختم کرے تو آبنائے ہرمز کھول دیں گے: مسعود پزشکیان
نئی دہلی: (دنیا نیوز) ایران کے صدر مسعود پزشکیان نے کہا ہے کہ امریکا محاصرہ اور جارحیت ختم کرے تو آبنائے ہرمز کھول دیں گے۔
ایرانی صدر مسعود پزشکیان نے انڈین میڈیا سے گفتگو میں کہا کہ امریکا جنگ سے مقاصد حاصل نہ کرسکا تو بحری محاصرے کا راستہ اختیار کیا، ایران امریکی جارحانہ اقدامات سے ڈرنے والا نہیں۔
مسعود پزشکیان نے کہا کہ بحری راستہ ایران کی زندگی کا واحد انحصار نہیں، امریکا کی خام خیالی ہے کہ بحری ناکہ بندی سے ایران ہتھیار ڈال دے گا۔
یہ بھی پڑھئے: امریکا بنیادی ضروریات چھین کر ایرانی عوام کو سرنڈر پر مجبور نہیں کر سکتا، ایرانی صدر
انہوں نے کہا کہ پیر کو عرب ممالک کے وزرائے خارجہ عمان میں اجلاس کریں گے، اجلاس میں ایران اور عمان آبنائے ہرمز میں مشترکہ بحری راستے سے متعلق معاہدے پر دستخط کریں گے۔
ایرانی صدر نے کہا کہ معاہدہ عالمی میری ٹائم آرگنائزیشن کو بھی پیش کیا جائے گا، اجلاس میں وہ ممالک بھی شریک ہوں گے جن کی سرزمین سے ایران پر حملے ہوئے۔
Comments / رائے دیں
Share your thoughts. Comments are reviewed before they appear publicly.
Approved Comments