صدر پوتن، ڈونلڈ ٹرمپ سے ملاقات کے لیے تیار ہیں، کریملن
ماسکو: (شاہد گھمن) کریملن نے کہا ہے کہ روس کے صدر ولادیمیر پوتن اپنے امریکی ہم منصب ڈونلڈ ٹرمپ سے ملاقات کے لیے تیار ہیں، تاہم ممکنہ ملاقات کی تاریخ اور دیگر تفصیلات فی الحال دستیاب نہیں ہیں۔
روسی صدارتی ترجمان دیمتری پیسکوف نے پریس بریفنگ کے دوران کہا کہ اعلیٰ سطحی ملاقاتوں کے حوالے سے ابھی کوئی مخصوص معلومات موجود نہیں ہیں۔
دیمتری پیسکوف نے کہا کہ اگر روس اور امریکا کے صدور کے درمیان ملاقات کی بات کی جائے تو صدر ولادیمیر پوتن اس کے لیے تیار ہیں۔
کریملن کے ترجمان کے مطابق صدر ولادیمیر پوتن اور صدر ڈونلڈ ٹرمپ اپنی ٹیلی فونک گفتگو کے دوران ہمیشہ اس بات پر زور دیتے رہے ہیں کہ ضرورت پیش آنے پر وہ مستقبل میں ایک اور ملاقات کے لیے تیار ہیں۔
Comments / رائے دیں
Share your thoughts. Comments are reviewed before they appear publicly.
Approved Comments