ایبٹ آباد: ٹھنڈیانی کے جنگلات میں آگ بھڑک اٹھی، ریسکیو آپریشن جاری
ایبٹ آباد: (دنیا نیوز) ٹھنڈیانی کے جنگلات میں نامعلوم وجوہات کے باعث آگ بھڑک اٹھی جہاں پر ریسکیو آپریشن جاری ہے۔
ذرائع کے مطابق آگ تیزی سے پھیلتے ہوئے وسیع جنگلاتی رقبے تک پھیل گئی ہے، دشوار گزار راستوں اور شدید اندھیرے کے باوجود ریسکیو اہلکاروں کی جانب سے آگ بجھانے کا عمل جاری ہے۔
صورتحال کی سنگینی کے باعث مزید اضافی ریسکیو ٹیمیں طلب کیے جانے کا امکان ہے، عوام کو آگ کے مقام سے دور رہنے کی ہدایات جاری کر دی گئیں۔
