گوشوارے جمع کرانے والے ارکان کی رکنیت بحال کرنے کا نوٹیفکیشن جاری
اسلام آباد: (دنیا نیوز) الیکشن کمیشن آف پاکستان نے گوشوارے جمع کرانے والے ارکان کی رکنیت بحال کرنے کا نوٹیفکیشن جاری کر دیا۔
الیکشن کمیشن کے مطابق گوشوارے جمع کرانے پر مزید 23 ارکان کی رکنیت بحال کر دی گئی ہے، سائرہ افضل تارڑ سمیت مزید 11 ارکان قومی اسمبلی کی رکنیت بحال کی گئی ہے۔
وفاقی وزیر مصدق ملک سمیت 2 سینیٹرز کی رکنیت بھی بحال کی گئی ہے، سندھ ، خیبرپختونخوا اسمبلی کے تین تین ارکان کی رکنیت بھی بحال کر دی گئی۔
الیکشن کمیشن کے مطابق گوشوارے جمع کرانے پر پنجاب اسمبلی کے بھی تین ارکان کی رکنیت بحال کردی گئی، بلوچستان اسمبلی کے رکن نعی خان بازئی کی رکنیت بھی بحال کی گئی ہے۔
گوشوارے جمع نہ کرانے پر الیکشن کمیشن نے 159 ارکان کی رکنیت معطل کی تھی، گوشوارے جمع کرانے پر 113 ارکان کی رکنیت بحال کر دی گئی۔
الیکشن کمیشن آف پاکستان کے مطابق مالی گوشوارے جمع نہ کرانے پر 46 ارکان کی رکنیت تاحال معطل ہے۔
