کراچی یونیورسٹی کے پروفیسر پر تشدد کا کیس؛ مرکزی ملزم کی عبوری ضمانت منظور
کراچی: (دنیا نیوز) ایڈیشنل ڈسٹرکٹ اینڈ سیشن عدالت ملیر نے کراچی یونیورسٹی کے پروفیسر عارف ساقی پر مبینہ تشدد اور حبس بے جا کے مقدمے میں مرکزی ملزم کونین شاہ کی عبوری ضمانت منظور کرلی۔
عدالت نے ملزم کو 20 ہزار روپے کے مچلکے جمع کرانے اور تفتیش میں شامل ہونے کی ہدایت کرتے ہوئے آئندہ سماعت پر تفتیشی افسر کو بھی طلب کرلیا۔
پولیس کے مطابق ملزم کے خلاف سچل تھانے میں مقدمہ درج ہے، جس میں اس پر کراچی یونیورسٹی کے پروفیسر عارف ساقی کو تشدد کا نشانہ بنانے اور مبینہ طور پر حبس بے جا میں رکھنے کا الزام ہے۔
عدالت نے درخواست ضمانت کی مزید سماعت 21 ستمبر تک ملتوی کر دی۔
Comments / رائے دیں
Share your thoughts. Comments are reviewed before they appear publicly.
Approved Comments