گوگل ون کا وی پی این بند کرنے کا فیصلہ
کیلیفورنیا: (ویب ڈیسک) ٹیکنالوجی کمپنی گوگل نے گوگل ون سروس میں وی پی این کو بند کرنے کا فیصلہ کیا ہے۔
اینڈرائیڈ اتھارٹی میں پیش کئے گئے ای میل کے مطابق اکتوبر 2020 میں جاری کئے جانے والے فیچر کو بند کئے جانے کے متعلق بتایا گیا، تاہم یہ بات واضح نہیں کہ یہ فیچر کب بند کیا جائے گا۔
گوگل ون کے وی پی این کی سبسکرپشن 1.99 ڈالر میں اینڈرائیڈ، آئی او ایس، میک اور ونڈوز میں دستیاب ہے۔
کمپنی نے 9 ٹو5 گوگل کو بتایا کہ کمپنی نے اس سروس کو ختم کرنے کا سبب لوگوں کا اس کو استعمال نہ کرنا بتایا ہے، اس کی وجہ گوگل کی جانب سے گوگل فائی اور پکسل ڈیوائسز میں تین میں سے ایک وی پی این سروسز کی فراہمی ہے۔
گوگل ون کی وی پی این گوگل کے مشہور قبرستان میں پھینکی جانے والی تازہ ترین پروڈکٹ ہے۔
واضح رہے چند ہفتوں قبل گوگل ون کلاؤڈ اسٹوریج سروس نے 10 کروڑ سبسکرائبر کا سنگِ میل عبور کرنے کا اعلان کیا تھا۔
گوگل نے اپنی ای میل میں بتایا کہ وی پی این کو مرحلہ وار ختم کیا جا رہا تھا تاکہ سب سے زیادہ مطلوبہ فیچرز پر توجہ دی جا سکے، جن کا تعلق گوگل ون میں شامل کئے جانے والے جیمینائی اے آئی سے ہے۔
