پروفیسر کا انتہائی مہارت کیساتھ ڈانس دیکھ کر طلبہ حیران، ویڈیو وائرل
بنگلورو: (دنیا نیوز) بھارت میں پروفیسر کا انتہائی مہارت کے ساتھ ڈانس دیکھ کر طلبہ حیران رہ گئے جس کی ویڈیو وائرل ہوگئی۔
بھارتی میڈیا رپورٹ کے مطابق بھارت کے شہر بنگلورو میں قائم گلوبل اکیڈمی آف ٹیکنالوجی کے پروفیسر پشپا راج کی ایک ویڈیو وائرل ہوئی ہے جس میں انہوں نے ایک پروگرام کے دوران طلبہ کے ہجوم میں ڈانس کر کے دکھایا۔
انہوں نے بیٹ باکس مکس گانے پر ہپ ہاپ ڈانس پرفارم کیا جس پر وہاں کھڑے طالبعلم اور ساتھی حیران رہ گئے۔
پروفیسر کے ڈانس کی ویڈیو انٹرنیٹ پر شیئر ہوئی تو یہ وائرل ہوگئی اور پشپا راج کی اس انوکھی حرکت کو تقریباً لاکھوں لوگوں نے دیکھا۔
اس ویڈیو پر صارفین نے دلچسپ کمنٹس بھی کئے اور دیگر ٹیچرز کو مشورہ دیا کہ وہ بھی پشپا سر کی طرح اپنے اندر چھپی صلاحیتیں دکھائیں، ایک صارف نے لکھا کہ ٹیچر کو اب باقاعدہ طالبعلموں کو ڈانس کی تربیت بھی دینی چاہیے۔
ایک اور صارف نے لکھا کہ ’میں یہ ویڈیو دیکھ کر سمجھ گیا کہ ایک شخص پیدائشی ڈانسر پیدا ہوا اور اُسے زبردستی پروفیسر بنا دیا گیا‘۔
