ایران کا اسرائیل کے کیمیائی پلانٹ پر میزائلوں سے حملہ، خطرناک مواد پھیلنے کا خطرہ
تل ابیب: (دنیا نیوز) جنوبی اسرائیل میں اس وقت خوف و ہراس پھیل گیا جب ایران کی جانب سے داغے گئے میزائل نے اسرائیل کے علاقے بیئر شیبا کے قریب صنعتی زون میں واقع کیمیائی پلانٹ کو نشانہ بنایا۔
ایران کے حملے کے باعث دھوئیں کے بادل آسمان میں پھیل گئے اور ہنگامی ٹیمیں آگ بجھانے کی کوششوں میں مصروف رہیں، مقامی رہائشیوں کو اندر رہنے کی ہدایت کی گئی تاکہ کسی ممکنہ خطرناک مواد کے اخراج سے محفوظ رہ سکیں۔
حکام نے بعد میں تصدیق کی کہ کوئی خطرناک مواد خارج نہیں ہوا، تاہم یہ حملہ جاری تنازع میں خطرناک کشیدگی کو اجاگر کرتا ہے۔
ایران نے خبردار کیا ہے کہ اس کے اپنے سٹریٹجک اثاثوں پر حملوں کے ردعمل میں وہ اسرائیلی بنیادی ڈھانچے کو نشانہ بنائے گا۔
